2024ko Ekainak 8
11:00-12:00 Masterclass: Nola erabili teknologia moda jasangarri baterako tresna gisa?
11:00-22:30 Proiekzioak
12:00-22:00 Showrooma
12:30-13:30 Desfileak: Elysea Studio, MEZ, Zaloa Ferre, Navaja Studio eta Valeria Irisarri
13:30-14:15 KOKORO Indigo Culture. Hitzaldia eta indigo ehuna tindatzea
14:30-15:00 Gaizka Albizuren performancea
15:15 Bisita gidatua La Encartada Fabrika Museora
16:15 Bisita gidatua La Encartada Fabrika Museora
17:00-18:00 Mahai-ingurua: Nola ulertu ehun jasangarri eta adimendunak naturatik
18:30-21:00 Desfileak: tHERAPY Recycle and Exorcise, Guillermo Décimo, David Moss, Natacha Marro eta sinpatron
21:00-22:30 DJ Alejandria Cinque
11:00-12:00 Masterclass: Nola erabili teknologia moda jasangarri baterako tresna gisa?
Fabrikaren barrualdea, bigarren solairua
Nola erabili teknologia moda jasangarri baterako tresna gisa?
Masterclass honek teknologiak modan jasangarritasuna sustatzeko tresna gisa duen ahalmena aztertzen du. Saioa bereziki dago diseinatuta ehungintza birdefinitzen ari diren teknika berritzaileak aztertu nahi dituzten sektoreko profesionalentzat. Adibide praktikoak eta eztabaida inspiratzaileak baliatuta, masterclassak sakon erakutsiko digu nola balio dezakeen teknologiak modaren arloko berrikuntzarako eta jasangarritasunerako katalizatzaile gisa.
Saio honetan goi mailako joskintzako soineko bat aurkeztuko da, adimen artifiziala eta biofabrikazio teknikak erabiliz ekitaldirako berariaz diseinatua. Pieza honek modaren mugak aztertzen ditu metodo iraultzaileak erabiltzean, formatu handiko biolarruen sorkuntzatik hasi eta kristalen hazkuntzaraino, 3D inprimaketaraino eta patroi digitaletaraino. Emaitza goi-mailako joskintzaren dotoretasuna irudikatzen duen jantzi bat izango da, abangoardiako material biologikoak aplikatuz. Modaren industriaren barruan biofabrikazioak duen potentzial eraldatzailean aurrerapen esanguratsua adierazten duen jantzia, etorkizun etiko eta iraunkorrago baterantz mugarri bat ezarriz.
Hezkuntza-esperientzia horretan zehar, Batoul Al-Rashdan-en ikuspegi paregabea ezagutzeko aukera izango dute bertara doazenek. Al-Rashdan biodiseinua eta 3D moda jasangarria batzen dituen Jordaniako diseinatzaile ezaguna da. Hain zuen, goi-teknologiako diseinatzailea eta Studio B.O.R.-en sortzailea da eta biodiseinua eta 3D moda jasangarria uztartzen ditu.
Hamar urteko esperientzia du eta graduondokoak Faceacademy-n eta Fabricademy-n, eta nazioarteko sariak irabazi ditu, hala nola TDA 2023. Haren ikuspegi berritzaileak barnean hartzen ditu 3D inprimaketa, biodiseinua eta arkitektura eramangarria material jasangarriekin, elikagaien hondakinak birziklatzea barne.
Nazioarteko aintzatespena duen artista honek herrialde, testuinguru eta hedabide askotan egin ditu erakusketak; besteak beste, Munduko Ekonomia Foroan eta Forbesen. Al-Rashdanek erantzukizun- eta berrikuntza-balioak aintzat hartzen dituen moda jasangarria sustatzen du, eta haren helburua da bere sorkuntzek eragin iraunkorra izatea industrian eta ingurumenean.
11:00-22:30 Proiekzioak
Fabrikaren barrualdea, beheko solairua, proiekzio-aretoa.
BasqueBioDesign Center proiekzioa
Biodiseinuari buruzko bideoak, Fabricademy proiektuak.
La Encartada Moda proiekzioa
Fashion Films.
Sarrera librea eta doakoa.
12:00-22:00 Showrooma
Fabrikaren kanpoko karpa
Parte-hartzaileak: Ana Virto, Ane Takitto, Eva Burton, Kiribiltxo, Otrora, Puntada Bastarda,, Rodillo, eta Sara Ortuzar.
Ana Virto
Zeramikazko eta portzelanazko “Joyas ilustradas” (bitxi ilustratuak) aurkeztuko ditu, zeinetan bilduma bakoitzaren jatorria ilustrazio sorta bat baita. Pieza bakoitza eskuz eginda dago, eta inspiratu duen ilustrazioarekin batera ikusi ahalko dugu; esaterako, “You were here” serieko zeramikazko oihalak, non jatorria tolesturak diren; pertsona batek ohetik, sofatik edo mahai batetik altxatzean uzten duen arrastoa.
Ane Takitto
Ezagutza teknikoaren bidez, Ane Takittok portzelanaren barruan harrapatutako kontzeptuak transmititzen ditu. Lan koral honetan Takittoren eskuek elkarrizketa bat ezartzen dute urarekin, airearekin, lurrarekin, suarekin, eta hala, leku komunekin konektatzen duten amuleto moduko piezak sortzen ditu.
Erabat eskuz sortutako piezak erakutsiko ditu. Lan-prozesu osoa berak egina da: portzelana tindatu koloreak lortzeko, moldekatu, laberatu, eta abar, metalari dagokion zatia garatzeraino, ez bakarrik euskarri gisa, baita piezaren konposizioaren zati gisa ere.
Eva Burton
Bilbon bizi den artista argentinarra da. Piezak artisau-erara egiten ditu erabat, eta ukitu garaikide bat ematen die. Horrenbestez, haren bitxiak bakarrak dira eta edizio mugatuak baino ez ditu egiten. Pieza horien bitartez alaitasuna transmititu eta, ortzadarren bibrazioei esker, haiek janzten dituztenak ahalduntzea lortu nahi du.
Kiribiltxo
Kiribiltxo bitxigintza artistikoko etxea Bilbon jaio zen, 2004an. Hainbat materialekin eta teknikarekin esperimentatzen dute, etengabe beren lengoaia propioa bilatzeko. La Encartada Modaren showroomean eskuz eta edizio mugatuetan eginiko diseinu originalak aurkeztuko dituzte.
Otrora
Otrora artisau-osagarrien marka bat da eta Solokoetxen du egoitza. Haien bildumako piezak Elsa Garrido artisauak diseinatzen eta egiten ditu hainbat teknika erabilita. Markaren ezaugarri nagusiak tokiko kontsumo jasangarriarekin duen konpromisoa eta haien diseinu propio, atenporal eta vintage-inspiraziokoak dira.
Puntada Bastarda
Horixe da Elena Rodríguezek konfinamenduan zehar ihesbide gisa sortutako proiektuaren izena. Hainbat material batu zituen, hala nola hariak eta biniloak, bere buruaren barruan bikote perfektua sortuta. Huts egindako puntadak izan ziren, zuzen egindakoak ere bai, baina denek izan zituzten beti lagun playlist amaigabeak. Prozesuko etenaldiak gero eta laburragoak ziren, justu-justu diskoa aldatzeko behar zituenak, harik eta haren ahotik “hau ederra izan daiteke” atera zen arte.
RODILLO
Ion Zorrillak RODILLO markapean egin ditu bere lan gehienak. Haietan sorkuntza grafikoko hainbat teknika konbinatzen ditu, hala nola ilustrazioa, collagea eta diseinu grafiko hutsa. Lanaren zatirik artisauena serigrafia-tailerrean egiten du. Hantxe estanpatzen ditu diseinuak, oro har, ehun-euskarrietan: elastikoak, tote-poltsak eta kirol-jertseak, besteak beste.
Sara Ortuzar
Gorputzarekiko, eskulturarekiko eta objektuarekiko interesak bitxigintza artistiko garaikidea arakatzera eraman zuen Sara Ortuzar. Hasieran eskultura-materialen ezagutzan eta manipulazioan trebatu ondoren (epoxi erretxinak, moldeen sorkuntza, 3D inprimatzea), gaur egun ikertzen jarraitzen du, materialen bitartez gertakari naturalek pizten dituzten ideiak eta sentsazioak islatu ahal izateko. Material jasangarriak, arinak eta osasunerako kaltegarriak diren substantziarik gabeak erabiltzen ditu.
New Yorketik iritsi berri da, bertan Arte eta Diseinu Museoko MAD About Jewelry-ren edizio berrian gonbidatu gisa parte hartu ostean, eta La Encartada Modan bere azken sorkuntzak aurkeztuko ditu.
12:30-13:30 Desfileak: Elysea Studio, MEZ, Zaloa Ferre, Navaja Studio eta Valeria Irisarri
Fabrikaren barrualdea, lehen solairua
Lehenengo Desfilea: Elysea Studio
Elysea Eva Gómez diseinatzaileak 2020an, Inedi Design School delakoan ikasten ari zela, sortutako marka da. Gómezen ahizpa eta Saioa laguna dira proiektuaren beste bi hankak.
Elyseak ezarritakoarekin hautsi nahi du, eta proposamen ausartak, hausleak eta publiko guztientzat egokiak ez direnak lantzen ditu, markak ezaugarri duen dotoretasunaren izpi bat galdu gabe. Lehenengo bi bildumen konbinazio bat aurkeztuko dute: “Vendas” eta “¿Quién mató a Daphne Scott?”.
Bigarren Desfilea: MEZ
Erika Sanmamed 23 urteko Ermuko diseinatzaile bat da, modaren diseinuan eta estilismoan graduatua, Inedi Desing School-en (Bilbo). Gozatu egiten du upcycling arropa sortzen eta norbaiti jada balio ez dionari hamaika bizitza ematen.
Haren bildumak “Trapalleira” du izena, eta Erika den guztia irudikatzen du, baita bere jantziekin sortu nahiko lukeen iraultza ere. Bildumaren abiapuntua bere etxean bota egin behar zituzten koloretako 12 denim-praka eta beste denim-jantzi batzuk dira. Hala, armairuan askoz ere denbora gehiagoz jarraitzeko aukera ematen die.
Hirugarren Desfilea: Zaloa Ferre
Zaloa Ferre marka amonaren eta bilobaren arteko harreman kutunak inspiraturiko belaunaldien arteko lotura sakonetik sortu zen. Amona Mariak transmititu zion oso txikitandik Zaloari modagatiko pasioa, jostun gisa lan egin baitzuen Ángela Arreguiren tailerrean. Familiaren ondareak bultzatuta, Zaloa modako diseinua eta estilismoa ikasten hasi zen alzheimerra zuen amona zaintzen zuen bitartean.
La Encartada Modan “Amama” bilduma erakutsiko du, asteko egun bakoitzerako pentsatutako 7 look biltzen dituena. Bildumaren ezaugarri nagusiak aspaldiko kalitatea eta oraingo erosotasuna dira. Amamari eginiko omenaldia da, baita terapia ere puntada bakoitzean. Kaosetik erresilientziara.
Laugarren Desfilea: Navaja Studio
Navaja Studioren atzean Aroa Fernández eta Sonia Fuente daude, duela ia bi hamarkada Bilbon moda ikasten hasi zirenean elkar ezagutu zuten bi lagun. Diseinatzaile gisa egindako ibilbidearen zati bat bakoitzak bere aldetik garatu badu ere, 2019an bildumak batera sortzea erabaki zuten. Ordutik horrenbeste maite duten 90eko hamarkadako estetika berrasmatu dute, ukitu futurista bat emanda eta berdintasun- eta gogoeta-mezuak aldarrikatuta.
“NEO” bilduma mugimendu RETROFUTURISTAn dago oinarrituta. Mugimendu hori etorkizunaren ideian zentratzen zen iraganetik.
Bostgarren Desfilea: Valeria Irisarri
Valeria Irisarri goi-mailako joskintzako eta modako diseinatzailea da. Bere armairuan eduki nahiko lukeena marrazten hasi zen, eta berehala konturatu zen modan jardun nahi zuela. Aske sentitzen da horrela, eta hitzez adierazten ez dakiena bere lanaren bitartez adieraz dezake.
Haren bilduma gehienak musikan oinarritzen dira. La Encartada Modan “industry city” bilduma aurkeztuko du: tekno-musikaren eta rock & rollaren arteko fusio bat.
13:30-14:15 KOKORO Indigo Culture. Hitzaldia eta indigo ehuna tindatzea
Fabrikaren kanpoaldea
Marian Martínez, KOKORO Índigo Culture
Marian Martínez botanikari kolorista eta lurraren artista bat da, eta eskuz tindatutako artea eta pieza bakarrak sortzeko teknika tradizionalak aztertzen ditu.
Japonian SUKUMO deitzen diete hartzitutako anil-tindu batekin tindatzeko erabiliko diren hartzituriko eta prestaturiko Ai (indigo) hostoei. La Encartada Modan Marian Martínezek anilez tindatutako kimono bat egongo da ikusgai.
14:30-15:00 Gaizka Albizuren performancea
Fabrikaren kanpoaldea
Gaizka Albizuk, IED-Kunsthalen (Bilbo) Moda Diseinuko graduko laugarren mailako ikasle getxotarrak, gorputza planteatzen digu bere diseinuaren abiapuntu gisa. Bere ikuspegia horrekin duen kontraesanezko harremanetik dator, lilura eta deskonexioa.
Anatomia eta distortsioa abiapuntu gisa erabiltzen ditu, generoari eta identitateari buruzko bere ikuspegia galdetzeko.
Nigredoa prozesu alkimikoaren lehen fasea da, egoaren suntsiketa eta usteltze puntu bat da, indibiduoaren eta objektuaren arteko lotura, kontzientea eta inkontzientea. Performance honek Gaizkak diseinatutako eta egindako hainbat jantzi batzen ditu, nortasuna erabat galduta zegoen garaian.
15:15 Bisita gidatua La Encartada Fabrika Museora
Fabrikaren barrualdea
Encartada Moda espazio ezin bereziago batean egiten da urtero, Balmasedako La Encartada fabrika-museoan, alegia. XIX.mendeko ehun-fabrika bat da (1892-1992), gaur egun museoa dena. Duela mende bat baino gehiago, artilearekin hainbat produktu egiten ziren bertan: txapelak, biserak, bufandak, eskularruak, mantak…
Atzerritik ekarri ziren ia makina guztiak, gehienak Ingalaterratik. Energia hidraulikoarekin funtzionatzen zuten guztiek. Fabrikaren ondoan, etxeak eta kapera-eskola bat eraiki zituen enpresak, auzorako. Eraikinek, makinek eta langile-koloniak oroitzapen asko dakartzan multzoa osatzen dute eta hura bisitatuz gero, denboran atzera egingo dugu, Penintsulako industria iraultzaren hasierara.
16:15 Bisita gidatua La Encartada Fabrika Museora
Fabrikaren barrualdea
Encartada Moda espazio ezin bereziago batean egiten da urtero, Balmasedako La Encartada fabrika-museoan, alegia. XIX.mendeko ehun-fabrika bat da (1892-1992), gaur egun museoa dena. Duela mende bat baino gehiago, artilearekin hainbat produktu egiten ziren bertan: txapelak, biserak, bufandak, eskularruak, mantak…
Atzerritik ekarri ziren ia makina guztiak, gehienak Ingalaterratik. Energia hidraulikoarekin funtzionatzen zuten guztiek. Fabrikaren ondoan, etxeak eta kapera-eskola bat eraiki zituen enpresak, auzorako. Eraikinek, makinek eta langile-koloniak oroitzapen asko dakartzan multzoa osatzen dute eta hura bisitatuz gero, denboran atzera egingo dugu, Penintsulako industria iraultzaren hasierara.
17:00-18:00 Mahai-ingurua: Nola ulertu ehun jasangarri eta adimendunak naturatik
Fabrikaren barrualdea, lehen solairua
Nola ulertu ehun jasangarri eta adimendunak naturatik?
Berrikuntza aztertuko da goi-mailako teknologia eta jasangarritasuna uztartzen dituzten jantzi teknikoetan, eta naturan inspiratutako ehun adimendunek kirol-modaren arloan errendimendua eta iraunkortasuna hobetzeko duten garrantzia nabarmenduko da.
Mahai-inguruak parada bat eskainiko du ehun jasangarri eta adimendunek ehungintzaren industriari ekar diezazkioketen erronkak eta aukerak eztabaidatzeko, eta helburu izango du ideia eta lankidetza berriak inspiratzea modaren eta ehungintzaren industriaren etorkizuna berdeagoa eta kontzienteagoa izan dadin bultzatzeko.
Diziplina anitzeko foroa da, eta hala, hamaika diziplinatako adituek parte hartuko dute: arkitektura, kimika makromolekularra eta goi-mailako teknologiako jantzi teknikoen diseinua eta jasangarritasuna.
Parte-hartzaileak:
Maria Mallo
Arkitekto doktorea eta Eskulturari Aplikatutako Arteetako goi-mailako teknikaria. Diziplina anitzeko espiritua du, eta autoprodukzioa eta sormen-prozesuak dira haren espezializazioa. Geometria naturalak ikertzen ditu, eta arkitekturaren, diseinuaren eta artearen arteko elkargunean kokatzen dela esango genuke. Sorkuntza hibrido eta esperimentalaren aldeko apustua egiten du, eta haren oinarrian dira artisautza, mundu digitala, intuizioa eta zientzia.
UPV/EHU. UPV/EHUko Kimika Makromolekularreko Taldea
Kimika Makromolekularreko Taldearen ikerketa-jarduera funtsean propietate bereziak dituzten material polimerikoen sintesian eta karakterizazioan oinarritzen da.
Edurne Santamaria Raya
Bivac Sport Mountain enpresaren sortzailea eta CEOa da. Markak goi-mailako teknologiako outdoor kiroletako jantzi tekniko jasangarri eta ergonomikoak egiten ditu.
Doako sarrera, beharrezkoa da aldez aurretik izena ematea.
18:30-21:00 Desfileak: tHERAPY Recycle and Exorcise, Guillermo Décimo, David Moss, Natacha Marro eta sinpatron
Fabrikaren barrualdea, lehen solairua
18:30-19:30 Desfileak
tHERAPY Recycle and Exorcise
Guillermo Décimo
19:30-20:00 Etenaldia
20:00-21:00 Desfileak
David Moss
Natacha Marro + sinpatron + Ángel Amor + Ganboa + Ane Takitto + MaldeOjo
_________________________________
Lehenengo Desfilea: tHERAPY Recycle and Exorcise
tHERAPY Berlinen jaio zen 2012an, eta Ozeano Atlantikoak banandutako eta pasio batek lotutako bi ahizpek zuzentzen dute: Angie eta Poli Aguirre, Berlinen (Alemania) eta Kordoban (Argentinan) bizi direnak, hurrenez hurren.
Aurkeztuko duten bilduma osoa bigarren eskuko ehunekin eta beste material batzuekin eginda dago, baita Kordoban (Argentina) eta Berlinen (Alemania) bildutako kontsumo aurreko industria-bazterkinekin ere. Bildumak tHERAPYren elementu klasikoak izango ditu, baina baita 2023/2024an garatzen ari diren teknika berriak ere.
Hein handi batean jantziek eta materialek elkarren artean edo gorputzaren gainean duten portaeraren behaketan oinarritu da sorkuntza-prozesua, modaren arau tradizionalak alde batera utzita. Elkarrizketa bat ezarri dute materialekin eta, neurri handi batean, haiek definitu dute emaitza, bakoitzaren ezaugarriak oinarri izanik.
Produktibitateari eta eraginkortasunari buruz hitz egin ohi diguten jantzietatik abiatuta, beste mundu posible batzuei buruz hitz egiten diguten anatomia berriak sortzen dituzte. Bildumak kontrakoen arteko tentsioa irudikatzen du, oreka eta koexistentzia bilatzen dituen elkarrizketa bat irekita.
Bigarren Desfilea: GUILLERMO DÉCIMO
Guillermo Díez López da Guillermo Décimoren atzean dagon burgostarraren izena. Modan graduatu zen Burgosko EASDn eta Ulises Méridarekin eta Ana Lockingekin osatu zuen bere heziketa. Lehenengo bilduma Gaztela eta Leongo modaren astean aurkeztu zuen, eta, ondoren, Madrilgo Mercedes Benz Fashion Week-en izan zen eta lankidetzak egin zituen New York Fashion Week-en. Diéz Lópezen lanaren ezaugarria edertasunaren eta perfekzioaren etengabeko bilaketa da, horretarako tradizioa eta artisautza, eskuzko lana, erreferentzia historiko-artistikoak, ilustrazioa eta antzerkia batuta.
Aurkeztuko duen bilduma azken bildumen une ikoniko eta deigarrienen laburpen bat izango da, GX unibertsoaren ikuspegi global bat eskainita. Nabarmentzekoak dira hura definitzen duten elementu guztiak biltzen dituzten piezak: gaueko jantziak, sport ukitua emanez berrinterpretatutako piezak eta distira handia.
Hirugarren Desfilea: David Moss
David Moss moda-lerro kontzeptual, berritzaile eta komertziala duen marka bat da. Artea, abangoardia eta ikuskizuna dira etxearen berezko estiloaren oinarriak, eta diseinuaren elementu nagusiak autoadierazpena eta modaren bidez norberaren nortasuna bilatzea dira. 2018an sortu zen, moda esperimentaleko marka gisa, eta hiru ardatz ditu: neurrirako jantzigintza, bildumen salmenta eta ikuskizunetarako diseinua.
La Encartada Modan markaren atzera begirako bat erakutsiko da, “Just a Dream – s/s 22” bildumaren diseinuak barne. Azken hori ametsen mundu onirikoan inspiratuta dago eta markaren beste diseinu batzuekin eta desfilerako lagatako enkargu batzuekin batera aurkeztuko da.
Laugarren Desfilea: Natacha Marro + sinpatron + Ángel Amor + Ganboa + Ane Takitto + MaldeOjo
Zapatak diseinatzen eta fabrikatzen 20 urtetik gorako esperientzia izanik, Natacha Marrok inbidia edukitzeko moduko bezero-zerrenda du: David Bowie, Björk, Lady Gaga, Daphne Guinness, Grace Jones, Gwen Stefani, Scarlett Johansson, Goldfrapp, Noel Fielding, Grayson Perry, Girls Aloud, Erasure eta The Stereophonics, besteak beste.
Haren neurrira egindako zapatak askotan agertu dira Vogue aldizkarian eta beste argitalpen batzuetan, hala nola Vanity Fair, Elle, Grazia, Metro, The Daily Telegraph, Time Out, Glamour Magazine, Dazed & Confused, Harper ‘s Bazaar, The Times, Sunday Times Style eta are National Geographic-en ere.
Zapatak beti izan dira Natacharen pasioa eta haren mantra pertsonen ametsak egia bihurtzea da. Haren hitzetan: “Neurrira egindako zapata on batzuek betiko iraun beharko lukete”.
Desfile honetan, Natacha Marroren oinetakoez ez ezik, Alberto Etxebarriaren sinpatron markaren 20 urteko lanaren atzera begirakoaz gozatuko dugu.
Horrez gain, Ángel Amor-en sorkuntzak ere ikusiko ditugu, hala nola burukoak eta kapelak, baita Ganboaren egile-bitxiak, Ane Takittoren zeramikak eta bitxigintza garaikidea eta Maldeojo Optika Atelier-en betaurrekoak ere.
Doako sarrera, beharrezkoa da aldez aurretik izena ematea.